എന് പ്രിയ ബാല്യം
ഒരു താരാട്ടിനീണം കേള്ക്കവേ
മനസ്സില് വിടര്ന്നു എന് പ്രിയ ബാല്യം
പൊട്ടിച്ചിരിച്ചും കളിച്ചും രസിച്ചും ഓടി നടന്നൊരങ്കണവും പിന്നെയെന് കളിക്കൂട്ടുകാരനായച്ഛനും
കുഞ്ഞിക്കാലിടറിവീണീടുമ്പോള് കൈ തന്നുയര്ത്തിയും
ചുടുനീരണിഞ്ഞ മിഴികള് തുടയ്ച്ചും ചെറുചുണ്ടില് പാല്പുഞ്ചിരി വിടര്ത്തിയും
നീരസം ഭാവിച്ചു പോയീടിലോ പിണങ്ങിനിന്നീടിലോ പൈതലേ നീയെന്നോമനയെന്നുചൊല്ലി
വാത്സല്യമേകിയും കുട്ടിക്കുറുമ്പുകാണിച്ചീടില് കുസൃതിക്കുരുന്നേയരുതേയെന്നോതിയും
കുഞ്ഞിളംമിഴികളില് നിദ്രയെത്തുമ്പോള് താരാട്ടിനീണം പകര്ന്നും താതനെന്
കളിത്തോഴനായ് ചാരെ നില്ക്കേയീ ലോകം മുഴുവനുമെനിക്കു സ്വന്തം......
written by
Archana
